2017年2月27日 星期一

(Week 37) – 自己坐月【坐月餐單‧免費下載】補氣補血 | Un太的Blog

上回分享咗自己坐月點樣預備炒米茶和黑豆水 (重溫:http://bit.ly/2lO6uFi),今個星期繼續講大家好緊張嘅『坐月餐單』!同上次一樣,呢份坐月餐單已經比過Un太的家庭中醫師睇過,他話呢個餐單偏溫性、大部份人都適合!不過,始終人人身體唔同,仍然建議大家諮詢家庭中醫。
睇食譜前先介紹一本書──《坐月子就要這樣吃:4週漸進式食療寶典,聰明坐月子‧養身子》(作者:林禹宏),這本書已經再版第4次,2017年2月又出新版,因為它實在太有用!這本書分4週去介紹坐月概念、食譜,而且中西醫觀念並呈、簡直一本就上手!大家可以去圖書館借閱,又或者去書局購買。Un太係借閱完發覺太有用,結果網上訂購最新版再去門市取貨的。
Un太的坐月餐單主要內容是參考自某資深陪月的坐月講座上的餐單,減去貴重藥材、再加上這本書的食譜而成的。
中醫師睇過後有以下重點:
● 這個餐單可以順序使用、亦可以倒序使用。原因係:如果生完感覺太累,可以先使用最後一部份(即第二十天至三十天);
● 餐單上的水果是幫助通便,如果有需要可以由第一週開始進食水果;
● 餐單中最理想的湯水是『淮山杞子紅棗燉烏雞』,可以由第一週開始飲;
● 杜仲、淮山、黨參 三種藥材都係偏溫性,但注意要去較有保障的藥材店購買及使用前要浸泡;
● 豬腰可以食,但一星期1-2次已足夠;(食少量唔怕回奶)
● 麻油可以代替普通食油,但不要過量;(Un太買的是100%純黑麻油,鈣質較高)
64685-1
Un太之所以會將白麻油改為黑麻油,係因為坐月上提講好多台灣人皆用黑麻油,適合進補時食用,它具有去污排血的功效,能幫助排出惡露,是坐月子時的優良食材。但在懷孕期間,則要避免吃含有黑麻油的食物,以免導致出血。未懷孕前,每次月經過後Un太都會用麻油米酒煎雞蛋吃,當時就幫助紓緩不少PMS(經前綜合症)的不適。
由於黑麻油香港比較難找到,即使大型日式超市都未必發售,最後Un太是在HKTV Mall上購買的,牌子則隨心,最重要是必須睇清成份,必須買100%純黑麻油,不要買『混合油』。
至於,一般坐月都會食的『豬腳薑』、『煮雞酒』,醫生都話無問題可以食,只是如果身體感覺燥熱時就要停,若患上感冒就更不能食!另外,如果產婦是開刀的,薑則應該在一星期後才開始食;牛肉不論開刀順產皆應該坐完月再食,因為牛肉較毒;好多人問豬潤會唔會退奶,醫生話豬潤坐月期間係可以食,唔會退奶。
最後,Un太經常牢記該名資深陪月的一句說話,『血氣夠旺+夠休息+夠水份=優質母乳』,時刻提醒自己到時候要好好休息,努力為白白提供優質母乳!當然,亦都希望今次呢個坐月期可以幫我重塑身體,以後不用再受PMS之苦!
1128187
這裡也有Un太的文章:
ESD life WOW • Mamibuy HK • Blogspot
She Mom • Weshare • Mybb 
如有親子相關産品分享和活動邀請,歡迎聯絡Un太:
Email:nataliepuipui@gmail.com
Facebook專頁:Un太的Blog
Related Posts Plugin for WordPress, Blogger...