2016年12月11日 星期日

同便秘講ByeBye~~

從少Un太就不是每天有進有出的人,而家有咗白白,有時候會感覺胃口細咗,肚又明顯脹脹有硬塊咁。之前睇新聞仲見過英國有孕婦因為便秘死亡,嬰兒出世後仲腦部缺氧受損,雖然只係Extreme Case,但都提醒咗Un太:似乎係時候正視一吓便秘問題。
63890aa40f
孕婦便秘成因不外乎兩個:(一)子宮脹大,因為胎兒壓住內臟,令便便積存體內,乾咗之後又壓返住新便便,形成惡性循環;(二)食鐵丸或含鐵的營養補充劑引致,同埋食過Maternal的便便都會係黑色。
咁其實點先算便秘?又點為知嚴重?大家可以去以下呢個網址去做一個16條問題的小測試,呢個測試完成後,會講比你知,你係「不需特別擔心」還是「向醫生進一步查詢」→按我←
便秘後果最可怕應該係生痔瘡!不單止唔舒服,仲有可能出血,反覆出血仲可能引致貧血。就算無生痔瘡,便秘都會令糞便內的毒素回流到血液,引起腸性源內毒血症,甚至會令胎兒畸形,真係可怕!
為咗解決便秘問題,令自己同BB健康啲,Un太上網搵咗啲方法,亦有啲方法係親身經驗,如果有錯歡迎大家指正!(畢竟Un太不是專業人士嘛!)
方法一:安排自己的飲食!(最重要,亦係最難的!) 於每日三餐前加入一份水果,但要注意水果點為之「一份」,例如:
  • 蘋果一個
  • 橙一個
  • 香蕉半隻
  • 仙桃1.5-2個
  • 奇異果1.5個
  • 車厘茄13粒
  • 提子13粒
  • 木瓜/菠蘿/西瓜 切粒後放飯碗8成滿(約手掌大小)
記住水果係要餐前食,這樣可以更有飽足感,個人認為水果中以橙、香蕉和火龍果最有助排便。
方法二:多飲水!孕婦每日要飲2000-2400c.c.的水,當然湯水都計算在內。可以每日上午及下午都為自己裝一杯水放身邊,然後同自己講要飲曬它,結果通常都能完成。
方法三:增加活動量!大住肚不能做激烈運動,但仍可以做適量運動,比如散步,我的中醫師建議行平路,不要走樓梯,儘量每天走30-40分鐘,有助改善便秘之餘仲可以讓生產更順利。
方法四:秘方!Un太自己試過幾種方法,但係咪人人有效就不得而知。
  • 檸檬汁 + 橄欖油 (比例1:1)一湯匙,飲完好快有便便,可以睡前飲,隔日早上醒來就會有便意
  • 西梅乾每日吃兩粒,以前便秘時醫生教的,西梅乾有輕瀉作用,但不多吃每日只可吃兩粒
  • 泡菜,它含有大量益生菌。營養師說過孕婦是可以食泡菜的,大家可以放心每日食少少
最後,要再強調一次,以上純屬個人分享,Un太並不是專業人士,亦歡迎大家留言分享你的小方法。
【Main Blog: https://educatemybaby.com/】
(電郵:nataliepuipui@gmail.com)
(Facebook: Un太的Blog)
(微博: NatalieUn)
(Instagram: @natalie_cyp)
Related Posts Plugin for WordPress, Blogger...