2016年11月26日 星期六

真的辭職了...(我的第一篇blog)

2016年11月25日,正式係我嘅Last Day,由聽日開始我就係一名全職師奶。老實講,由細到大都無捻過自己會做一名全職師奶,但我竟然有所期待!期待可以訓到自然醒!期待可以煮好多美食比Un生享用!雖然未計劃最後會幾時返出黎做野,但我好怕自己會變成大懶蟲,所以專登開咗呢個Blog,正式加入靚太Blogger行列,等自己有啲細藝、兼有啲野捻吓,免得自己同社會脫節。





從備孕到懷孕,從驚喜到焦慮
本來小白白就係有計劃之下出現,但懷孕後嘅種種不適卻是意料之外。頭一個月,跟本就完全無感覺,行得走得。當時公司仲問我,要唔要改吓schedule出少啲鋪頭,嗰時我仲膽粗粗一口拒絕。結果,就開始出事喇!
無幾耐就開始經常頭暈,坐又暈、企又暈、行又暈。西醫、急症室都束手無策,比我嘅答案永遠都係:「可能與懷孕有關。」多謝喎呢個答案!呢個情況持續咗差不多2個幾月,搞到我開始產前抑鬱兼焦慮(中醫生講),加上零售業不景,工作壓力自然無可避免,身心俱疲。
決定辭職
最後經過一番掙扎,同Un生商量過後,都係覺得係時候休息一下,好好養胎。至於工作嘅事,都係生完再捻。好多朋友都話我,「咁你咪好蝕囉嗰產假?」其實呢個世界無話蝕唔蝕,錢無左仲可以搵到,但健康無失去咗就係失去咗。
Related Posts Plugin for WordPress, Blogger...