2016年11月29日 星期二

[長胎不長肉]慳住黎補之滴雞精


今日正式踏入第24週,為咗令白白大得快啲又大隻啲,今日第一次嘗試整滴雞精。
滴雞精呢個名,係喺某大陪月網搞嘅講座上聽到,該次講座因為由田X滴雞精贊助,所以講咗唔少滴雞精對母體及胎兒、甚至將來坐月嘅好處。當時的講者是一位資深陪月,記得她講咗一句,她自己好多台灣客人其實未生前已經開始自己燉滴雞精,係一個補身的好方法。她仲話就算我地唔幫襯今日嘅贊助商都好,她都建議各孕媽媽自己整黎補身。她特別提到,如果孕婦本身身體唔太好,擔心影響到胎兒的發育或是產後體虛,可以在孕期當中喝「滴雞精」來打底。
一隻雞可滴出兩碗雞精,為住慳住黎補、以及唔想補得太快,我決定每日燉四分之一隻雞,燉出黎大約半碗,大約喝7-10隻雞的滴雞精,就剛好到白白足月,時間剛剛好!
Related Posts Plugin for WordPress, Blogger...